Journalistopplæring? Søk praktikantkurset!

Vi har lært opp 60 nynorskpraktikantar sidan starten i 2004. Per 1. juli 2010 har 78,4 % av dei heil- eller deltidsarbeid i media, 40 av dei i NRK. Sytten har fast arbeid, tretten av dei i NRK, elles er dei tilkallingsvikarar eller vikarar.

Dei faste søknadsfristane til NRK Nynorsk mediesenter er 15. april og 15. oktober. Halvårskursa startar i januar og august. Bruttoløna er 13.500 kroner i månaden.
 

Søknad via WebCruiter

Søkjarar til kull 14 og seinare må sende søknadane sine via det nettbaserte søkjesystemet WebCruiter. NRK tek det i bruk for å sikre ei skikkeleg registrering av alle søknader og oppfylle krava i Offentleglova om innsyn i søkjarlister. 1. september legg vi ut utlysinga av kull 14, med søknadsfrist 15. oktober. 

Springbrett til NRK

78,4 % av dei 60 nynorskpraktikantane vi har lært opp heil- eller deltidsarbeid i media, tyngda i NRK. Sytten av dei er fast tilsette i ulike medieverksemder, tretten i NRK. Elleve tidlegare nynorskpraktikantar har satsa på anna arbeid eller studiar, resten er vikarar- og tilkallingsvikarar i ulike redaksjonar. Dei fleste i NRK.

- Vi er eit framifrå springbrett for dei som ynskjer å bli journalistar i NRK, seier Magni Øvrebotten, leiar for NRK Nynorsk mediesenter.
 

Gjesteførelesarane hausten 2010

I tillegg til eigne lærekrefter og tilsette i NRK Sogn og Fjordane har vi ein god del gjesteførelesarar om nynorsk og journalistikk for kvart kull. Dette er lista for dei to fyrste månadane, det kjem fleire namn etterkvart. Sjå lista her