Gjesteførelesarar våren 2012

I tillegg til eigne lærekrefter og tilsette i NRK Sogn og Fjordane brukar vi gjesteførelesarar om ulike emne. Her er lista for våren 2012 :

Frå venstre: Ingunn Solheim, Harald Thingnes (Foto: Ole Kaland/NRK), Anette Groth (Foto: Anne Liv Ekroll/NRK) og Odd Isungset (Foto/NRK)

6.januar: Brit Jorunn Svanes, nettjournalist og teknisk ansvarleg for nett og radio i NRK Sogn og Fjordane. Ho lærer praktikantane bruk av Ediroll lydopptakar og opptaks- og regideringsprogrammet DIGAS, og skriving og publisering på nettsida til NRK Nynorsk mediesenter.

9. januar: Arve Sandal, banksjef i Sparebanken Sogn og Fjordane. Han føreles om Sogn og Fjordane, om næringslivet, folketalsutviklinga, geografien, kulturen og lynnet i det fyrste praksisfylket for praktikantane. Sandal er tidlegare mangeårig redaksjonssjef i NRK Sogn og Fjordane, og hadde ideen til NRK Nynorsk mediesenter.

13. januar: Wenche Eikum, kurshaldar i NRK Nynorsk mediesenter, føreles om "Språk - rett og gale".

17. januar: Jorid Løvbakk, logoped i NRK og i Statped, Bredtvet kompetansesenter for logopedi. Ho føreles og gjev praktiske øvingar i  stemmebruk.

19. januar:  Roy Raasholm Fauske, redaksjonssjef i NRK Sogn og Fjordane, tek føre seg "Kjelder til stoff", om postjournalar, offentleglova og praktiske øvingar i korleis ein finn fram.

23. januar: Arne Stubhaug, fotograf i NRK Sogn og Fjordane, underviser i stillsfotografering og biletkomposisjonar for nettet. 

27. januar: Kai Aage Pedersen, utviklingssjef i distriktsdivisjonen i NRK, føreles om sosiale medier

31. januar: Brit Jorunn Svanes, nettjournalist og teknisk ansvarleg for nett og radio i NRK Sogn og Fjordane, lærer praktikantane nettpublisering i Polopoly.

1.-2. februar: Rune Fossum, nettvaktsjef i NRK Sogn og Fjordane, føreles om å skrive for nettet, med mykje praktisk øving. 

3. februar: Jan Olav Fretland, 1. amanuensis ved Høgskulen i Sogn og Fjordane og aktiv språkmann. Føreles om "Tal dialekt - skriv nynorsk", om normering og dialektbruk. 

8.-10. februar: Oslo-tur med besøk i NRK-redaksjonar på Marienlyst og teaterstykke på Det Norske Teatret.

Arve Uglum, journalist i NRK Sogn og Fjordane, tek føre seg forteljeglede og bruk av lyd i journalistikken. Ikkje datofesta enno.

15.-17. februar:  Eva Westvik, reporter i NRK Sogn og Fjordane, føreles om TV-kommentaren. Mange praktiske øvingar.

20. februar : Sigrid Sollund, journalist og programleiar i NRK Nyheiter, skal snakke om det gode intervjuet.

22. februar: Stian Sjursen Takle, journalist og programleiar i NRK Sogn og Fjordane, gjev innføring i bruk av HF, direktesending frå berbar sendar. Kva må ein tenkje på?

23. februar: Noralv Pedersen, medlem av språkutvalet i NRK og språkkontakt i NRK Sogn og Fjordane. Han snakkar om språket og språkreglane i NRK.

27. februar: Odd Isungset, påtroppande leiar for Brennpunkt-redaksjonen i NRK, tidlegare PFU-leiar og vinnar av den store journalistprisen i 2011, føreles om dei vanskelege grensene i journalistikken.

2. mars: Rolf Sanne Gundersen, distriktsredaktør i NRK Sogn og Fjordane, gjev gode råd om å få saker på riksnettet og korleis praktikantane kan førebu seg til internpraksisen.

5.mars: Ingvald Garbo, redaksjonssjef for radio i kulturavdelinga i NRK, om "Kva leitar vi etter når vi tilset journalistar?" Han er ansvarleg for dei daglege magasinflatene Radioselskapet og Kulturhuset, og programma Bok i P2, Verdibørsen, Diktafon, Radiofront, Mørkets opplevelser og Kunstreisen.

12. mars: Linda Eide, programleiar for Norsk attrasjon i NRK1, skal førelese om historieforteljing utanfor malen. 

19. mars: Ottar Grepstad, styreleiar i Språkrådet og direktør for Nynorsk kultursentrum i Ørsta. Praktikantane dreg til Aasentunet og får omvising og innføring i historia og menneska bak nynorsken. Og om stoda i dag.

2. april: Ingunn Solheim, politisk reporter i NRK Dagsrevyen, kjem for å snakke om "den engasjerte journalisten". Ho var sjølv nynorskpraktikant i NRK Sogn og Fjordane på 1990-talet og har seinare arbeidd i både Kanal 24, TV 2 og NRK. (Datoen ikkje endeleg avklara enno).

10.april: Harald Thingnes, journalist i NRK Sporten. - Kva trengst for å bli ein dyktig sportsjournalist? er emnet han har fått å snakke om.

16.april: Annette Groth, utanriksjournalist og programleiar Urix i NRK 2 føreles om "Utanriksjournalist - spennande og oppskrytt".

23. april:  Ragnhild Bjørge, vaktsjef, journalist og programleiar i NRK Dagsnytt, kjem for å gje gode råd frå ein tidlegare nynorskpraktikant. Både om nynorsk og journalistikk.