Heldigvis har NRK Sogn og Fjordane investert i utstyr som held oss tørre - sjølv om ein del av det er litt for stort for enkelte...
Elles kan eg fortelje at eg har vore på lufta igjen, med ei sak om Alzheimer. For meg vart det eit sterkt møte med Astrid Areklett. Ektemannen hennar døydde i 2004, etter å ha levd i mange år med demens av Alzheimer type. Du kan høyre saka her.
I går hadde vi besøk av logopeden Jorid Løvbakk. I tillegg til å blåse i flasker med varmt vatn for å varme opp stemma, fekk vi terpa litt på uttalen vår i nyheitsbulletin og i reportasjar som krev ei meir muntleg framføring.
Jorid sa at stemma har vorte kalla "vårt akustiske fingeravtrykk" - det tykkjer eg er ganske fint.
I ettermiddag reiser vi til Oslo. Der er det heldigvis meldt sol dei neste dagane.