I dag rapporterte eg direkte i ettermiddagssendinga til NRK Sogn og Fjordane.
8.-klassingar fekk i dag lære seg 3D-programmet SketchUp, i forlenging av ei kunstutstilling på Kunstsenteret i Førde. Eg var der på det som kallast HF. HF-en er ei svær boks med ei kjempelang antenne og masse knottar, tilkobla ein mikrofon og eit headset. Heile sulamitten skal ein bere over skuldra.
Det var veldig artig å rapportere live på lufta, men då Erlend i studio fortalte meg at det var 10 sekund igjen, byrja eg å skjelve på hendene, og kinna mine raudna. Men alt i alt gjekk det bra, sjølv om eg kunne tenkt meg å luke vekk nokre "eeeh" og i alle fall eit dumt spørsmål.
Eg kan ikkje vente til neste gong eg får prøve meg! HF-rapportering er kjempekjekt!
Klar for HF.