Kvifor seier ein på lufta når ein har hatt ei sak på radioen, eller i fjernsynet? Det heiter på trykk når det er i ei avisa, og det forstår eg, trykksverta på papiret er den endelege forma saka di har. Men på lufta? Det næraste eg kjem logikk må vera at saka går gjennom luft før ho ender opp i radioapparata, eller fjernsynsapparata. Men likevel; på lufta? På lufta, på elden, på jorda, på vatnet. Det burde i tilfelle vera i lufta. Eg har hatt ei sak i lufta. Den var i lufta like før den trefte radioapparata og kom ut av høgtalarane.
Det finnes heilt sikkert eit svar på dette, og svaret er nok kuriosa av god sort, men det er fredag, og det har vore ei veke med mykje arbeid. Eg tek helg.
Desse sakane har eg i alle fall ei lita stund hatt i Sogn og Fjordanes friske luft: Gamle på Universitetet og Kritikk av Mattilsynet (Radiosaka er enno ikkje lagd ut)