Eg og Gunn Evy vart sendt ut på oppdrag i helga. Vi reiste til Kalvåg i Bremanger for å dekke filmpremieren til ein tysk film som vart spelt inn der i fjor sommar.

Eg prøvde meg for første gong som fotograf med stort, tungt skulderkamera. Eg trudde først eg skulle knekke saman, men med easyrigg gjekk det greitt. Det var litt skummelt å vere to praktikantar ute på "ekte" oppdrag, men eg er veldig nøgd med resultatet.

Gunn Evy laga radiosak ut av det heile, medan eg laga TV-saka som gjekk sist i Vestlandsrevyen i kveld, og sidan på Norge i dag! Kjekt å debutere på riks med den siste TV-saka mi i praksisperioden.

I morgon har eg min første radiodag i praksisen. Eg er veldig spent på det!