At vi er blitt radioekspertar er kanskje å ta i litt, men vi har i alle fall fått ganske god kontroll på oppbygging og teknikk innan radioreportasje.

Radiosaker eg har hatt på lufta så langt:
Fotgjengardynking kan gi bot
Feil fyring gir pipebrann
Reaksjonar på utspel om kyrkjeutmelding

Og no er det nettpublisering som står for tur.

Dei to siste dagane har vi lært om "jøss-faktoren" og det å lokke fram klikk på ei nettside. Det er visst lov å vere litt tabloid i NRK også.

Polopoly er nettredigeringsprogrammet til NRK. Om enn litt knotete så er det eit ganske lettforståeleg program, og det er kjekt å eksprimentere med bilete, lenker og faktabokser i teksten. Det gjeld å finne stoppunkt som augene kan kvile på undervegs, og merksemda til lesaren skal fangast av både det eine og det andre.

Andreas Grimsæth frå NRK Hordaland har lært oss alle dei smarte triksa for nettjournalistikk, og i dag har vi trent på å lage nettsak frå start til slutt.

Saka mi har blitt endra/betra litt på desken, så den er blitt litt lengre enn den var. Du kan lese den her.

På mediesenteret sløsar vi ikkje vekk tida, så vi går vidare til stillfoto og TV-reportasje allereie denne veka. Oppdatering kjem!