Loftet, Nrk-huset, Førde, Norge.
Det er her vi er no, på Loftet. Det er på Loftet at alle praktikantar held hus under opphaldet. Loftet er ein stad for intens læring- teoretisk og praktisk. Det er berre fjerde dagen, men vi har allereie vore ute og prøvd oss som radioreporterar. Rett nok på huset, men det var nettopp slike tolmodige menneskjer vi trengte på første oppdrag. Eg trur alle fekk mykje ut av jobbinga i dag, ikkje minst fekk vi nyttige tips fra erfarne intervjuobjekt.
Dei første dagane har vore spennande og utfordrande. Vi er alle nye i byen, og vi skal alle gjennom den same opplæringsprosessen. Om vel 6 månedar skal vi vera klare til å jobbe som journalistar. Det er ikkje så veldig lenge til akkurat.
Men vi er på veg. Vi drøymer om ESPN, DigaS, Easytrack, bulletin, blokk og maycom. Og om dagen vi lagar superreportasjen.
Førde har også vist seg frå si beste side. Eg hadde førebudd meg på ein grå by på denne tida av året, men her var det kvitt, kaldt og solfylte toppar.
I helga får vi ski og snowboard på plass i leiligheiten, så til veka kan vi forhåpentlegvis nyte litt av naturen rundt oss.
Eg gler meg skikkeleg til alt som skal skje framover, og blir meir og meir motivert for kvar dag som går.