Onsdag førre veke reiste me på ekskursjon til Oslo. I løpet av to hektiske døgn fekk me med oss teater, besøk på Marienlyst, TV 2 og Østlandssendingen, samt kjempegod tapas med dei fem praktikantane i NRK FleRe. Me møtte med andre ord mange ulike folk og eg blei veldig inspirert etter å ha diskutert både faglege og meir samfunnsrelaterte tema.
Denne veka er me tilbake i kvardagen, og for min del har det mellom anna ført meg til Florø for første gong. Og der var det jo fint!
Eg laga ein radioreportasje som vert sendt på lokalradioen vår fredag føremiddag. I tillegg til å bli kjent i ein ny by, blei eg også kjent med ei aldri så lita journalistutfordring. For kva gjer du når ei av hovudkjeldene i saka du lagar nektar å stille opp? Du mistar i alle fall litt fokus! Og då gjeld det å rydda tankane og finna ein ny vri. Det tok si tid, men gjekk bra til slutt. Veldig godt å klara utfordringa og koma seg i mål...
Kristin hadde også sin første tur til Florø, noko eg vil sei er langt meir oppsiktsvekkande enn det faktum at ikkje eg hadde vore der før. Ho er trass alt innfødd her i fylket! ;) Kjekt på tur!
Skal få lagt ut saker snart, så det er berre å følgje med....
God helg!