Etter eit par prøvesaker slapp me i førre veke endeleg til i den verkelege verda. Ransakinga av postlistene til Årdal kommune gav resultatet, og 10. september vart den første saka mi sendt i ettermiddagssendinga til NRK Sogn og Fjordane.
Høyr saka om den livsfarlege kaien i Ofredalen her.
Det er viktig å alltid vere forberedt.
Med eit val på trappa, vart det naturleg nok òg ein del valrelaterte saker på oss nynorskpraktikantar. Torsdag tok eg turen til dagsenteret i Førde for å lodde stemninga hjå den eldre delen av befolkninga. Det var eit fint møte med to oppegåande og stødige damer. ein god drøs var det òg.
Reportasjon vart sendt på sjølvaste valdagen, og lurer du på kva som vart sagt om valkampen, kan du klikke her.
Dei siste dagane har fleire av praktikantane komme på lufta, det er i mine auge ein flink gjeng. Eg har for min del, etter fleire saker om kyrkjevalet, vorten kalla "vår mann i sakristiet".