- "No er det jobbstrekk, alle saman!"
Slik startar som oftast det som endar med djupe pust, spenning og avslapping og armstrekk. Ei handfull folk deltek som regel i aktiviteten framfor kaffiautomaten, staden der folk møtes. Det gjer igjen at om ein ikkje er særleg dyktig eller framfus, kan jobbstrekken bli eit småpinleg utstillingsvindauge. Men jammen gjer det godt!
Og det var godt med avspente skuldre då eg skulle på HF for første gong i storbyen. Erik Solheim hadde kalla gode krefter til møte for å drøfte kva som bør vere den langsiktige satsinga til Noreg i Haiti. HF-rapporten gjekk 11:30 i Alltid Nyheter.
Etter halvanna time på gangen utanfor kontoret til miljø- og utviklingsministeren var det høve til å høyre korleis møtet hadde gått. Ny HF-rapport, denne gongen som "live on tape"
Forresten så gler eg meg til torsdag, for då kjem kull 12 på vitjing. Det vert kjekt å sjå dei sårt sakna faglærarane Randi og Tone Lin igjen. Sports-Geirmund ser eg jo stundom i NYDI-kantina, i lag med alle dei nye sports(idiot?)venene sine.
Fredag er det duka for boller og brus, trur eg. Det har i alle fall vore slik tre fredagar på rad.