4 månader i NRK Sogn og Fjordane er snart over. Eg trur det må vere dei mest produktive månadane i livet mitt, så langt.

Dei to siste vekene har eg vore på nettet, og det har vore veldig lærerikt. Eg har arbeidd ein del med meldingar, litt med reportasjar, og sjølvsagt laga nettsaker av desse. Det har vore gøy å arbeide multimedialt, og eg synst eg har fått større forståing for samspelet mellom nett og radio.

Noko av det eg har sett stor pris på her i Førde, er at me har fått prøvt oss på ulike ting. Eg trur det er ein enorm fordel når ein skal ut i andre redaksjonar.

Denne veka skal eg vere på radio att, og det blir fint å få litt oppvarming før eg skal til Dagsnytt. Det blir spennande å kome i ein rein nyheitsredaksjon, og eg gler meg veldig!