Ok, no har me vore her i litt over ei veke og det er på tide å gjere opp status. Går barometeret mot journalist på ordentleg, eller går det på trynet? Tysdag 01/09 fylde Nynorsk Mediesenter fem år. I det høve vart det arrangert eit seminar om mangfald i NRK, og me skulle dekkje det. Mi oppgåve var å lage eit radioinnslag frå konferansen, og fokus mitt var undersøkjinga om nynorskbruk i NRK.
Eg hadde bitt meg merke i at folk faktisk sluttar å skrive nynorsk når dei byrjer i NRK, og dette krevde kritiske spørsmål. Så mine fyrste intervjuobjekt vart ingen ringare en språkrådssjef Sylfest Lomheim og kringkastingssjef Hans-Tore Bjerkaas. Diverre er det nok ingen som får høyre intervjua, då dette var den fyrste av ei lang rekkje øvingsoppgåver. Men ei god erfaring var det uansett, og gav definitivt meirsmak.
Så kva er så status? Eg trur barometeret vippar litt meir mot å lukkast. Men sensuren frå lærar Geirmund er enno ikkje fallen, så her kan alt skje. Følg med vidare for å sjå korleis det utviklar seg!