 Wenche Eikum
(1971) Kursansvarleg i NRK Nynorsk mediesenter. Ho held, sel og utarbeider nye kurs.
Wenche Eikum var journalist i NRK Sogn og Fjordane frå 1994-2003. Medielærar ved Firda vidaregåande skule, Sandane, 2004-2005. Kurshaldar hjå oss frå 2005.
Utdanning i norsk, historie, pedagogikk og media frå Høgskulen i Volda.
 Inge Kjell Holme
(1953) Medielærar ved Sogndal vidaregåande skule og frilansar for NRK Sogn og Fjordane. Der var han journalist frå 1979-2001, dei fleste åra ved lokalkontoret i Sogn.
Holme er utdanna lærar og byrja i NRK som nynorskstipendiat i 1978. Vi har brukt han som kurshaldar sidan starten, særleg på beredskapskurs.
 Randi Indrebø
(1966) Faglærar i NRK Nynorsk mediesenter sidan 2005. Fotograf i NRK Sogn og Fjordane från 1998, men har og røynsle som redigerar i TV2 og medarbeidar i videoselskap i fleire år.
Byrja som ungdomsmedarbeidar i NRK Sogn og Fjordane i 1990. Cand. mag. med mellomfag i sosiologi, og grunnfag i adm. og organisasjon og sosialantropologi frå Universitetet i Bergen.
 Arve Sandal
(1948) Banksjef for kommunikasjon i Sparebanken Sogn og Fjordane frå 2001.
Redaksjonssjef i NRK Sogn og Fjordane 1991-2001, og journalist same stad frå 1982-86. Har drive eige videoselskap og vore journalist i Sunnmørsposten.
Sandal hadde ideen til NRK Nynorsk mediesenter og var med i prosjektgruppa til senteret.
 Ragnvald Søgnesand
(1972) – geitebonde på Søgnesand i Jølster. Tidlegare fotograf i NRK Sogn og Fjordane og medielærar ved Sogndal vidaregåande skule. Utdanna programingeniør ved Høgskulen på Lillehammer og maskinteknikar ved Førde tekniske fagskule.
Magni Øvrebotten
(1954 ) Leiar for NRK Nynorsk mediesenter frå 2004. Distriktsredaktør i NRK Sogn og Fjordane 1990-2004, redaksjonssjef 1985-1990 og journalist 1980-85.
Byrja som journalist i Gula Tidend i 1971 og har arbeidd som journalist i fleire aviser både lokalt, regionalt og på riksnivå. Øvrebotten har medieutdanning frå Norsk journalisthøgskule 1976-78.
|