Beredskapskurs

- eit kurs for meistring av media i krisesituasjonar

Når kriser skjer, står media på døra. Alle er ikkje like godt budde i slike situasjonar.

NRK Nynorsk mediesenter har i fleire år samarbeidd med Fylkesmannen i Sogn og Fjordane om beredskapsøvingar for kommunane. Der har kommuneleiinga fått trene på mediehandtering i tenkte, men svært realistiske, krisesituasjonar.

Vi har også hatt pandemiøving, i Helsedirektoratet sin regi, med kommunane i Sogn og Fjordane, og øving i kriseberedskap med Mattilsynet.

Realistiske døme 

Kursa tek utgangspunkt i tenkte krisetilfelle. Bedrifter og offentlege instansar får høve til å gå gjennom kriseplanane sine steg for steg, etterkvart som krisa utviklar seg. Samstundes får dei trening i å bli intervjua av media.

Beredskapskursa blir laga og tilpassa i samarbeid med dei som tingar kursa.

Aktuelle kurshaldarar:

Wenche Eikum, Inge Kjell Holme og Tone Lin Støfring.