- Litt flaut, men veldig stas!
09.09.2009
- Det er litt flaut, men veldig stas å få den fyrste saka si på lufta, seier Simon Solheim. Han tykkjer det er kjekt at reportasjen han har laga om segling i Florø, er så omtykt at den blir sendt to gonger i sendingane til NRK Sogn og Fjordane.
Simon Solheim. Foto: Randi Indrebø/NRK
Den unge nynorskpraktikanten er dermed den fyrste som debuterter på lufta.
- Det er litt ubehageleg og uvant å høyre mi eiga stemme, men kjekt å få så gode tilbakemeldingar, seier Simon Solheim. Han tykkjer det er stor skilnad på å lage radio i forhold til å skrive i avis. I radio må ein hoppe meir mellom kjeldene og tenke dramaturgi.
19-åringen får mykje skryt av dei meir røynde journalistane for fin bruk av lyd og stemmebruk. Høyr reportasje her.
Fleire saker...