Jobben min: NRK Rogaland

Kva gjer du nå?

Nå jobbar eg stort sett som nettjournalist hos NRK Rogaland. I det daglege går jobben ut på å publisera dagens hendingar og saker på nettsidene til NRK Rogaland og på NRK.no. Eg jobber også i eit  nettfeature-prosjekt der me utviklar eigensaker for nett. Det blir også litt foto- og videojournalistjobbing i ein kjekk redaksjon der det heile vegen skjer noko.

Korleis hamna du her?

Eg hamna på NRK Rogaland sine kontor i Stavanger sidan det var her eg hadde praksisplass. Eg ville ha praksisplass her sidan eg er fødd og oppvaksen omtrent på denne staden.

Kva har det betydd å vera nynorskpraktikant?

Utanom å vera årsaka til at eg har fått meg jobb som journalist, har NRK Nynorsk Mediesenteret gitt meg ryggrad til å bruka nynorsk uansett. Tidlegare flakka eg når eg skulle velja målform. Nå har eg forstått at nynorsken er som ei potet; ho smakar godt.